قالت شنتال صباغ مدير عام تنمية الاعمال للمشروعات الصغيرة والمتوسطة بالبنك الأهلي المصري هدفنا في البنك الأهلي المصري إننا نحتضن سيدات الأعمال ونعطيهم الثقة والمعلومة الصح عشان مشروعهم ينجح، وتمكين المرأة اقتصادياً مش بس حق، ده جزء من التنمية المستدامة.
وقالت في تصريحات إذاعية عبر نجوم اف ام أن المرأة محتاجة دعم عشان توصل لنفس الفرص اللي الرجال بيوصلوا ليها وده الدور الى احنا في البنك الأهلي حريصين على الالتزام بيه من خلال برامج تمويلية مخصصة للمراة وتناسب طبيعة المشروعات الخاصة بيها.
وتابعت :”سيدات الأعمال في مصر بيواجهوا تحديات كبيرة، لكن مع الدعم الصحيح والتوجيه، هتقدر توصل لنجاح كبير. ,، وعندنا في البنك الأهلي قصص نجاح كتير لسيدات أعمال بمشروعات ناجحة “.
وقالت :”التحديات اللي بتواجهها سيدة في مشروعها، مش هي بس اللي بتواجهها فيه 100 أو200 سيدة بيواجهوا نفس التحديات علشان كده بنعمل احتضان لسيدات الأعمال، الدعم مش بس فلوس، ده كمان نصيحة وتوجيه علشان كده في البنك الأهلي المصري بنبدأ بالاستشارة قبل التمويل”.
وأوضحت أن “البيزنس الناجح مش بس بيوفر دخل، ده كمان بيخلّي الناس ترفع من مستواها المعيشي و بيخلق فرص عمل كتيرة علشان كده بنساعد سيدات الأعمال يبدؤوا و يوسعوا مشاريعهم.”
وأكدت أن “البنك الأهلي المصري بيوفر تمويل للسيدات والرجال، لكن الأهم إننا نبدأ بالاستشارة قبل ما ندي التمويل عشان نضمن أعلى فرص النجاح للمشروع في كل مراحله .”
وقالت :”المنافسة الصحية السليمة هي اللي بتخلّي السوق يتطور. علشان كده بنساعد سيدات الأعمال يوصلوا لنفس الفرص اللي الرجال بيوصلوا ليها.”
الرابط المختصر: https://propertypluseg.com/?p=135477
